Back رايموند داماديان Arabic رايموند داماديان ARZ Рэйманд Дамандзьян Byelorussian Реймонд Дамадян Bulgarian Raymond Damadian Catalan Raymond Vahan Damadian Czech Raymond Damadian German Raymond Damadian English Raymond Damadian Spanish Raymond Vahan Damadian Basque
Raymond Vahan Damadian, nado en Nova York o 16 de marzo de 1936 e finado en Woodbury (Nova York) o 3 de agosto de 2022, foi un médico estadounidense, inventor da primeira máquina de escáner por resonancia magnética. A investigación de Damadian sobre o sodio e o potasio en células vivas levouno aos primeiros experimentos en resonancia nuclear magnética (NMR) que fixo que propuxese por vez primeira o escáner corporal en 1969. Damadian descubriu que os tumores e os tecidos normais poden diferenciarse in vivo mediante resonancia nuclear magnética (NMR) a causa dos seus prolongados tempos de relaxación, ambos T1 (spin-lattice relaxation) ou T2 (relaxación spin-spin). Damadian foi o primeiro en fabricar un escáner de corpo enteiro para un ser humano en 1977 para diagnosticar o cancro. Inventou un aparato e un método para empregar a NMR de forma segura e exacta para escanear o corpo humano, método coñecido como imaxe de resonancia magnética (MRI).